काठमाडौं । दिल्लीमा एउटा अचम्मको घटना सार्वजनिक भएको छ । दिल्ली महिला आयोगकी अध्यक्ष स्वाती मालीवाललाई कार चालकले १० देखि १५ मिटरसम्म घिसारेर लगेका थिए । घटना दिल्ली एम्स नजिक भएको हो। प्रहरीले आरोपीलाई पक्राउ गरेको छ ।

स्वाती मालीवालले ट्वीट गर्दै हिजो राति दिल्लीमा महिला सुरक्षाको अवस्थाको बारेमा जानकारी लिएका बेला एक कार मालिकले मदिराको अवस्थामा उनलाई दुर्व्यवहार गरेको बताएकी छिन् । जानकारी अनुसार घटना बुधबार राति भएको हो । स्वाती एम्सको गेट नम्बर २ नजिक थिइन् । यसै क्रममा एक कार चालकले उनलाई आफ्नो कारमा बस्न भने ।

कल देर रात मैं दिल्ली में महिला सुरक्षा के हालात Inspect कर रही थी। एक गाड़ी वाले ने नशे की हालत में मुझसे छेड़छाड़ की और जब मैंने उसे पकड़ा तो गाड़ी के शीशे में मेरा हाथ बंद कर मुझे घसीटा। भगवान ने जान बचाई। यदि दिल्ली में महिला आयोग की अध्यक्ष सुरक्षित नहीं, तो हाल सोच लीजिए।

— Swati Maliwal (@SwatiJaiHind) January 19, 2023

स्वातीले कार चालकलाई हप्काएपछि उनले तुरुन्तै गाडीको सिसा उठाए । सो क्रममा स्वातीको हात कारमा अड्कियो र चालकले उनलाई १० देखि १५ मिटरसम्म ताने । दिउँसो ३.१२ बजे प्रहरीले कारको बारेमा सबैलाई सन्देश प्रसारण गर्यो। कार सहित आरोपी चालक दिउँसो ३.३४ मा पक्राउ परेका थिए । पछि पुलिसले थाहा पायो कि पीडित महिला दिल्ली महिला आयोगकी अध्यक्ष स्वाती मालीवाल हुन्।

पक्राउ पर्नेको नाम हरिश चन्द्र (४७) हो । उनका पिताको नाम दुर्जन सिंह रहेको बताइएको छ । उनी संगम विहारका बासिन्दा हुन् । जुन समयमा यो घटना भएको थियो सो समयमा स्वातीसँगै उनको टोलीका अन्य केही व्यक्ति पनि थिए । उनीहरूको तर्फबाट भिडियो बनाइएको हो । अहिले सो क्षेत्रमा सीसीटीभी नभएकाले प्रहरीले सोही भिडियोका आधारमा थप अनुसन्धान गर्ने तयारी गरेको छ ।