काठमाडौं । शाहरुख खानको फिल्म पठानमा बक्स अफिसमा करोडौंको वर्षा भइरहेको छ । पठान अल टाइम ब्लकबस्टर फिल्म बन्ने बाटोमा छ । विश्वब्यापी बक्स अफिसमा ८ दिनमा ६ सय ७५ करोड कमाएको पठानले दोस्रो हप्तामा १००० करोडको आँकडा छुनेछ । तर त्यस पछि के ? पठानले १५००-२००० करोड कमाउन सक्छ ? के कमाईको मामिलामा दंगल, केजीएफ २, बाहुबली २ लाई भेट्टाउन सक्छ?

पठानसँग सम्बन्धित यी प्रश्नहरूलाई उपेक्षा गर्न सकिँदैन। हालसम्म पठानले व्यापार विज्ञहरुको कमाइको दाबी गलत साबित गरिसकेको छ । बक्स अफिसमा जादुई अंक हासिल गर्दै पठान दिन प्रतिदिन रेकर्डको नजिक हुँदै गएको छ । पठानले साताका दिनमा पनि दोहोरो अंकमा संकलन गरिरहेको छ ।

आम्दानीको यो गति दोस्रो सप्ताहन्तमा अझ बढ्दै जानेछ। व्यापार विश्लेषकहरूका अनुसार पठानले दोस्रो हप्तामा सजिलै एक हजार करोड कमाउनेछ। योसँगै किंग खानको फिल्मले १००० करोड क्लबमा गर्वका साथ कब्जा गर्नेछ । तर, १००० करोड कमाएपछि पठानलाई धेरै ठूला हिटको कमाइसम्म पुग्न मुस्किल हुने सम्भावना छ ।

आमिर खानको दंगल विश्वभर सबैभन्दा धेरै कमाउने फिल्महरूमा शीर्ष स्थानमा छ। यसले २०१० करोडको विश्वव्यापी सङ्कलन गरेको छ। दंगलको यो रेकर्ड अहिलेसम्म कुनै पनि हिन्दी फिल्मले तोड्न सकेको छैन । यसपछि बाहुबली २ (१७८८.०६ करोड), केजीएफ २ (१२०८ करोड), आरआरआर (११५५ करोड) ले सबैभन्दा बढी कलेक्शन रेकर्ड राखेको छ। पठान बिस्तारै यो लिस्ट तर्फ अघि बढिरहेको छ । पठानले सजिलै १००० करोड कमाउनेछ । वास्तविक परीक्षा यसपछि सुरु हुनेछ।

दंगलको विश्वव्यापी कमाइमा पुग्न पठानका लागि कठिन काम हुनेछ। प्रभासको बाहुबली २ को फिगर पार गर्न पनि पठानका लागि कठिन हुने भएको छ । शाहरुखको फिल्मले अझै पनि आरआरआर र केजीएफ २ को कलेक्शनसँग प्रतिस्पर्धा गर्न सक्छ। बाँकी तस्विर दोस्रो हप्ता संकलन पछि थप स्पष्ट हुनेछ।

पठानका लागि सबैभन्दा ठूलो राहत भनेको फेब्रुअरीमा कुनै पनि ठूला फिल्मले बक्स अफिसमा प्रतिस्पर्धा गर्न नसक्नु हो । कार्तिक आर्यनको सेहजादा र अक्षय कुमारको सेल्फी रिलिज हुने भएपनि यी दुबै फिल्मले पठानको कमाईमा खासै प्रभाव पार्न सक्ने छैनन् । पठानको द्रुत कमाईको श्रेय सकारात्मक माउथवर्डमा पनि जान्छ। ४ वर्षपछि पर्दामा फर्किएका किङ खानलाई यो हिटको नितान्त आवश्यकता थियो ।

पठानले उनको डुब्दै गरेको करियरलाई उठाएको छ । किंग खानको पठानमा देश विदेशमा करोडौंको वर्षा भइरहेको छ । पठानले शाहरुख खानका कयौं फिल्मको लाइफटाइम कलेक्शनलाई धुलो पारेको छ ।