काठमाडौं । मध्य प्रदेशको रतलाम जिल्लामा जुनियर बडी बिल्डिङ प्रतियोगितालाई लिएर विवाद भएको छ ।च आइतबार आयोजित उक्त कार्यक्रममा हनुमानजीको मूर्ति अगाडि महिला बडी बिल्डरले लगाएको पहिरनलाई लिएर विवाद भएको छ ।

कांग्रेसले भाजपालाई अश्लीलताको सेवा गरेको आरोप लगाएको छ। रतलामका मेयर प्रह्लाद पटेलको प्रमुख आतिथ्यतामा कार्यक्रमको आयोजना गरिएको हो । प्रह्लाद पटेल भाजपाका हुन्। यो कार्यक्रमको भिडियो भाइरल भइरहेको छ ।

यसैमा प्रश्न उठाउँदै कांग्रेस नेता भूपेन्द्र गुप्ताले मुख्यमन्त्री शिवराज सिंह चौहानलाई भाजपाले बारम्बार हिन्दूहरूको अपमान किन गर्छ भनेर सोधेका छन् ।

गुप्ताले यो पनि भने, “रतलामका मेयरको मुख्य अतिथि सत्कारमा र मुख्यमन्त्रीको जन्मदिनको अवसरमा हनुमान जीको मूर्ति राखेर अश्लिल कार्य गरिएको छ, सनातन संस्कृति बेच्ने यी नेता शिवराज जीलाई के कारबाही हुन्छ?”

यसै क्रममा मेयर प्रह्लाद पटेलले आफ्नो बचाउमा कांग्रेस नेताहरूले आफ्नो आत्मा र सोचलाई गंगाको पानीले धुनुपर्ने बताएका छन्।

उनले भने, “कार्यक्रममा सबैले बडीबिल्डरको मसल देखिरहेका थिए, तर केही चुनिएका मानिसहरूले अश्लीलता देखिरहेका थिए। हनुमान जी आमा दिदीबहिनीका देवता होइनन्?”