काठमाडौं । भारतीय नौसेनाको एडभान्स्ड लाइट हेलिकप्टर (एएलएच) ले मुम्बईको तटमा आपतकालीन अवतरण गरेको छ । प्राप्त जानकारी अनुसार हालसम्म चालक दलका तीन सदस्यलाई सकुशल बाहिर निकालिएको छ ।

समाचार एजेन्सी एएनआईले नौसेनालाई उद्धृत गर्दै यस विषयमा छानबिन गर्न आदेश दिइएको बताएको छ।

हेलिकप्टर नियमित गस्तीमा रहेको बेला मुम्बईको तटमा दुर्घटना भएको थियो । तुरुन्तै खोजी अभियान सुरु गरिएको थियो र नौसेना गस्ती जहाज द्वारा चालक दलका तीन सदस्यहरूलाई सुरक्षित रूपमा उद्धार गरिएको थियो।