काठमाडौं । सिलिकन भ्याली बैंकको पतनपछि सुरु भएको सेयर बजारमा आएको गिरावट अहिले जारी छ । बैंकिङ सेयर पुनः एकपटक ओरालो लागेको छ ।

स्विस बैंकिङमा सबैभन्दा ठूलो नाम मध्ये एक क्रेडिट स्विसमा २० प्रतिशतले गिरावट आएको छ।

क्रेडिट स्विसका प्रमुख लगानीकर्ताले अब बैंकलाई आर्थिक सहयोग गर्न नसक्ने बताएका छन् ।

पूरै युरोपको शेयर बजारमा गिरावट आएको छ । एफटीएइ १०० ले गत हप्ता ६ प्रतिशतले गिरावट दर्ता गर्यो।

एजे बेलका निर्देशक रस मोल्डका अनुसार, क्रेडिट एजेन्सी मूडीजले अमेरिकी बैंकिङ प्रणालीमा आफ्नो दृष्टिकोणलाई ‘नकारात्मक’ मा परिवर्तन गरेकोले लगानीकर्ताहरू ठूला बैंकहरूप्रति सतर्क हुनु अचम्मको कुरा होइन।