काठमाडौं । गत वर्ष २०२२ मा भारतले रुसबाट दश गुणा तेल आयात गरेर करोडौं रुपैयाँ बचत गरेको छ । बैंक अफ बडोदाका अनुसार भारतले रुसबाट कच्चा तेल खरिद गरेर ५ अर्ब डलर अर्थात करिब ४० हजार करोड रुपैयाँ बचत गरेको छ ।

युक्रेनमा भएको हमलालाई लिएर पश्चिमी देशहरूले रुसमाथि प्रतिबन्ध लगाएको बेला भारतले यो कदम चालेको हो । त्यसपछि रुसले युद्धबाट पछि हटेर चीन र भारत जस्ता देशलाई सस्तो मूल्यमा तेल बेच्ने काम जारी राख्यो ।

सन् २०२१ मा युक्रेन युद्धअघि भारतबाट आयात हुने तेलमा रुसको हिस्सा दुई प्रतिशत मात्रै थियो । बैंक अफ बडोदाका अनुसार अहिले यो शेयर २० प्रतिशतको नजिक पुगेको छ ।

गत वर्ष भारतले रुसबाट आयात गरेको तेल प्रति टन ७३ सय रुपैयाँ बचत भएको थियो ।

अमेरिका र युरोपको दबाबका बाबजुद भारतले रुसबाट तेल किन्ने क्रम जारी राखेको छ । यो विषयमा प्रश्न सोध्दा रुससँगै भारतले पनि यो तेल खरिदको बचाउ गर्दै युरोपका देशलाई घेरेको थियो ।

जयशंकरले अप्रिल २०२२ मा वाशिंगटनमा अमेरिकी विदेशमन्त्री र रक्षामन्त्रीसँग पत्रकारहरूको प्रश्नको जवाफ दिइरहेका थिए। त्यसपछि एक पत्रकारले रुसबाट भारतको तेल किन्ने विषयमा प्रश्न सोधेका थिए ।

यसको जवाफमा एस जयशंकरले भनेका थिए, “भारतले तेल किनेकोमा तपाई चिन्तित हुनुहुन्छ, तर भारतले एक महिनामा त्यति तेल किन्दैन जति युरोपले एक दिनमा किन्छ।”