महोत्तरी। माओवादी केन्द्र महोत्तरीको विवाद उत्कर्षमा पुगेको बेला बर्दिबास नगरपालिकामा समान्तर अभियान सुरु भएको छ। जनतासगँ माओवादी विशेष रुपान्तरण अभियान अन्तर्गत महोत्तरीका इन्चार्ज बनेर आएका केन्द्रीय सदस्य अच्युतम काफ्लेले समान्तर गतिविधिले दिक्क भएकाे बताएका छन्।

इन्चार्ज काफ्लेले पाटीको निर्देशन विपरित बर्दिवासमा समान्तर गतिविधि भएको ठहर गर्दै एक बिज्ञप्ति समेत जारी गरेका छन्। बिज्ञप्तिमा पार्टीकाे कार्यविभाजन अनुसार वडामा खटिनुपर्ने नेताहरुले समान्तर गतिविधि गरेको बताउँदै यस्ता गतिविधि नगर्न सचेत समेत गराइएको छ।

गत २९ भदौ कै दिनबाट यस्ता गतिविधिमा नलाग्न निर्देशन दिँदै इन्चार्ज काफ्लेले समान्तर गतिविधमा लागेको पाइएमा गम्भीर अनुसासन उल्लंघनको बिषय बन्न सक्ने बताएका छन्।

तर माओवादी केन्द्र महोत्तरीमा संस्थापन पक्ष र संस्थापन इतरबीच विवाद चुलिँदै गएको छ। बर्दिवासमा नै २ बर्षदेखि पार्टी कमिटी बनाउन नदिई हस्तक्षेप गरेको संस्थापन इतरको आरोप छ भने संस्थापन पक्षले जे जस्तो विवाद भए तापनि वडा अभियान सके पछि निष्कर्षमा पुर्‍याउने बताउँदै आएको छ।

यसै बीचमा बर्दिवास नगर कमिटीको नेतृत्व विहीन बनिरहेको बेला रुद्र सुस्लिङ मगरलाई नगर इन्चार्ज बनाएर रुपान्तरण अभियानका कार्यक्रम संचालन गर्दै आएको छ। नगरबाटै निर्णय गरि वडामा कसरी जाने? भन्ने बिषय तय भएको र सोहीअनुसार कार्यक्रम संचालन गरिरहेको रुद्र सुस्लिङ पक्षले जनाएको छ।

तर इन्चार्ज अच्युतम काफ्ले र मधेश प्रदेश इन्चार्ज लिलामणि पोखरेलले भने यो निर्णयलाई अस्विकार गरेका छन्। १७ साउन देखि २१ साउनसम्म चलेको केन्द्रीय बैठकको निर्णय अनुसार नै पाटी चल्नुपर्ने र पाटी सर्कुलेसन बाहिर गएर कुनै पनि गतिविधि गर्न नमिल्ने उनीहरुको भनाइ छ।

नगर कमिटीलाई पुर्णता दिएर वडाका कार्यक्रम संचालन गर्दा थप प्रभावकारी बन्ने ठानेर पाटी हितका लागी नै आफुहरु लागि परेको सुस्लिङ पक्षधरको दावी छ।