काठमाडौं । अस्ट्रेलियाका पूर्व टेस्ट क्रिकेटर स्टुअर्ट म्याकगिललाई कोकिन आपूर्ति गर्ने ठूलो षड्यन्त्रमा संलग्न रहेको आरोप लागेको छ ।

अस्ट्रेलियाका लागि ४४ टेस्ट खेलमा २०८ विकेट लिने स्टुअर्ट म्याकगिललाई प्रहरीले मंगलबार सिड्नीबाट पक्राउ गरेको छ ।

प्रहरीले अप्रिल २०२१ मा म्याकगिलको कथित अपहरण र कुटपिटको अनुसन्धान गरिरहेको छ।

म्याकगिलले हालसम्म प्रहरीको पछिल्लो आरोपमा आफ्नो पक्ष व्यक्त गरेका छैनन्। उनले यसअघि लागुऔषध ओसारपसारमा संलग्न नभएको दाबी गरेका थिए ।

म्याकगिलले अप्रिल २०२१ मा हेडलाइन्स बनाए जब उनले आरोप लगाए कि उनलाई सिड्नीको छिमेकमा कारमा जबरजस्ती राखिएको थियो।

उनलाई सहरको बाहिरी इलाकामा लगेर बन्दुक देखाएर कुटपिट गरिएको उनको आरोप थियो। त्यसपछि उनलाई अन्यत्र लगेर छोडियो ।

उक्त घटनामा म्याकगिललाई सामान्य चोट लागेको थियो। लेग स्पिनर स्टुअर्ट म्याकगिललाई एक धेरै प्रतिभाशाली क्रिकेटर मानिन्थ्यो।

तर आफ्नो देशका दिग्गज स्पिनर शेन वार्नको समकालीन हुनाले उनले त्यति धेरै खेल्ने मौका पाएनन् ।

उनले ४४ टेस्ट खेलमा मात्रै २०८ विकेट लिएका थिए । जसमध्ये उनले १२ पटक ५ विकेट र २ पटक १० विकेट लिएका थिए । तर, उनले तीन ओडिआई मात्र खेल्न पाए ।