काठमाडौं । इरानका विदेशमन्त्री हुसेन अमिर अब्दुलाह्यानले कतारी विदेशमन्त्री शेख मोहम्मद बिन अब्दुल रहमानसँग इजरायल–हमास युद्धका सम्बन्धमा फोनमा कुराकानी गरेका छन् ।

इरानको विदेश मन्त्रालयले गाजामा इजरायली आक्रमणको निन्दा गर्दै गाजाको अवस्था ‘चिन्ताजनक’ भएको बताएको छ।

विज्ञप्तिमा भनिएको छ कि दुई देशले इजरायलको आक्रमणलाई अन्त्य गर्न, तुरुन्त युद्धविराम लागू गर्न र घेराबन्दी र युद्धबाट पीडित गाजाका जनतालाई मानवीय सहायता उपलब्ध गराउन कसरी राजनीतिक माध्यम प्रयोग गर्ने भन्ने बारेमा छलफल गरेका छन् ।

दुवै मन्त्रीबीच युद्धविरामको विषयमा पनि कुराकानी भएको थियो ।

इरानका विदेशमन्त्री अब्दुलाह्यानले भनेका छन्, ‘गाजाका नागरिकहरू विरुद्ध तिव्र हुँदै गएको युद्धका कारण अहिले द्वन्द्वको दायरा बढाउने सम्भावना अपरिहार्य भएको छ।’