काठमाडौं । जम्मू कश्मीरको रियासीमा चरमपन्थीहरुले श्रद्धालु बोकेको बसमा आक्रमण गरेका छन् । प्रहरीका अनुसार यसमा ९ जनाको मृत्यु भएको छ भने ३३ जना घाइते भएका छन् ।

रियासी एसएसपी मोहिता शर्माले सञ्चारमाध्यमसँग कुरा गर्दै भने, ‘शिवखोरीबाट कटरातर्फ गइरहेको बसमा आतङ्ककारीहरूले आक्रमण गरी गोली चलाएको प्रारम्भिक रिपोर्ट आएको छ ।’

“आक्रमणका कारण चालकले सन्तुलन गुमाए र बस खाल्डोमा खस्यो। उद्धार कार्य पूरा भइसकेको छ। अहिलेसम्म ९ जनाको मृत्यु भएको छ। ३३ जना घाइते भएका छन्। घाइतेहरूलाई अस्पतालमा भर्ना गरिएको छ।”

उनले भने, “प्रारम्भिक जानकारीमा उत्तर प्रदेशका मानिसहरु बसमा यात्रा गरिरहेको खुलेको छ।”