काठमाडौं । सिङ्गापुर एयरलाइन्सले गत महिना टर्ब्युलेन्सले घाइते भएका यात्रुहरुलाई क्षतिपूर्ति दिने प्रस्ताव गरेको छ ।

“सानो चोटपटक लागेकाहरूलाई क्षतिपूर्तिमा १० हजार डलर प्रस्ताव गरिएको छ,” सिंगापुर एयरलाइन्सले सोशल मिडिया प्लेटफर्म एक्समा एक पोस्टमा भन्यो।

“गम्भीर चोटपटक लागेका यात्रुहरूको तत्काल आवश्यकतालाई ध्यानमा राख्दै २५ हजार डलर क्षतिपूर्ति दिइनेछ। कुनै विशेष मुद्दामा पनि थप छलफल गरिनेछ।”

गत महिना लण्डनबाट सिंगापुर जाँदै गरेको सिंगापुर एयरलाइन्सको फ्लाइट नम्बर एसक्यु ३२१ मा गम्भिर टर्ब्युलेन्स भएको थियो ।

टर्ब्युलेन्सका कारण ७३ वर्षीय बेलायती नागरिक ज्योफ किचेनको मृत्यु भएको छ भने करिब ३० जना घाइते भएका छन् ।

टर्ब्युलन्सका कारण २० जनाको मेरुदण्डमा चोट लागेको बताइएको छ । सिंगापुर एयरलाइन्सका अनुसार विमानमा २११ यात्रुबाहेक १८ जना चालक दलका सदस्य थिए ।