काठमाडौं । भारतीय प्रधानमन्त्री नरेन्द्र मोदीले फेरि प्रधानमन्त्रीको पदभार ग्रहण गरेपछि अजित डोभाललाई राष्ट्रिय सुरक्षा सल्लाहकार नियुक्त गरिएको छ ।

मन्त्रिपरिषद्को नियुक्ति समितिको आदेश अनुसार, अजित डोभाल जुन १०, २०२४ देखि देशको नयाँ राष्ट्रिय सुरक्षा सल्लाहकार हुन्।

उनको नियुक्ति प्रधानमन्त्रीको कार्यकाल सकिँदा वा अर्को आदेश नआएसम्म कायम रहनेछ । आदेश अनुसार अजित डोभालले क्याबिनेट मन्त्रीको हैसियत पाउनेछन्। अजित डोभाललाई ३० मे २०१४ मा राष्ट्रिय सुरक्षा सल्लाहकार नियुक्त गरिएको थियो।