काठमाडौं । ‘कानूनी माग’ का कारण भारतमा अन्तर्राष्ट्रिय समाचार एजेन्सी रोयटर्सको आधिकारिक एक्स खाता ब्लक गरिएको छ। रोयटर्सले अहिलेसम्म यस सम्बन्धमा कुनै वक्तव्य जारी गरेको छैन।

यद्यपि, रोयटर्स टेक न्यूज, रोयटर्स फ्याक्ट चेक, रोयटर्स पिक्चर्स, रोयटर्स एसिया र रोयटर्स चाइना लगायत रोयटर्स समाचार एजेन्सीका धेरै अन्य खाताहरू अझै पनि सहज रूपमा काम गरिरहेका छन्।

एक्सका अनुसार अमेरिका लगायत धेरै देशहरूमा एक्सको खातामा भएका पोस्ट र सामग्रीमा लागू हुने कानुनहरू छन्।

“हाम्रा सेवाहरू निर्बाध रूपमा प्रदान गर्नको लागि, यदि हामीले कुनै देशको आधिकारिक संस्थाबाट वैध र जायज अनुरोध प्राप्त गर्यौं भने निश्चित सामग्री ब्लक गर्न आवश्यक हुन सक्छ,” एक्सले लेखेको छ ।

एक्सले भनेको छ ‘यदि अदालतको आदेश प्राप्त भयो भने, सामग्री ब्लक गर्न सकिन्छ। यस बाहेक, यो कारबाही स्थानीय कानूनको आधारमा गर्न सकिन्छ।’