काठमाडौं । अमेरिकी राज्य टेक्सासमा अचानक आएको बाढीमा परी १०० भन्दा बढीको मृत्यु भएको छ । यसबाहेक ठूलो संख्यामा मानिसहरू बेपत्ता छन्।

यसैबीच, क्रिश्चियन अल-गर्ल्स ग्रीष्मकालीन शिविर, क्याम्प मिस्टिकले मृत्यु हुनेहरूमा कम्तिमा २७ जना बालिकाहरू र कर्मचारीहरू रहेको पुष्टि गरेको छ। शिविरबाट दस जना बालिकाहरू र एक जना सल्लाहकार अझै पनि बेपत्ता छन्।

अस्टिन अमेरिकन-स्टेट्सम्यानको रिपोर्ट अनुसार, क्याम्प मिस्टिकका सह-मालिक र निर्देशक रिचर्ड इस्टल्याण्डको बच्चाहरूलाई बचाउने प्रयास गर्दा मृत्यु भयो।

केर काउन्टीको ग्वाडालुप नदीमा आएको बाढीका कारण कम्तीमा ८४ जनाको मृत्यु भएको छ। जसमा २८ बालबालिका र ५६ वयस्क छन्।

काउन्टी शेरिफको कार्यालयले २२ वयस्क र १० बालबालिकाको अझै पहिचान हुन नसकेको बताएको छ।

मौसम विभागले आगामी केही घण्टामा उक्त क्षेत्रमा आँधी आउन सक्ने चेतावनी दिएको छ, जसले राहत कार्यलाई असर गर्न सक्छ।