काठमाडौं । देशका विभिन्न स्थानमा ६ जना मृत फेला परेका छन्।

रूपन्देहीको बुटवल उपमहानगरपालिका-११ हात्तीसुड डेरा गरी बस्ने हाल वतन नखुलेकी २८ वर्षीया प्रिती भण्डारी आफ्नै कोठामा बिहीबार मृत अवस्थामा फेला परेकी छन्।

बर्दियाको मधुवन नगरपालिका-१ तडुवा बस्ने ६० वर्षीया क्याउली थारू सोही ठाउँस्थित नहरमा बिहीबार मृत अवस्थामा फेला परेकी छन्।

नवलपरासीपूर्वको बिनयी त्रिवेणी गाउँपालिका-७ त्रिवेणी ब्यारेजपुलस्थित प्रतिक्षालयमा भारत पश्चिम चम्पारण बल्मिकीनगर बस्ने ५० वर्षीय अनुपम केडिया बिहीबार मृत अवस्थामा फेला परेका छन्।

बाँकेको बैजनाथ गाउँपालिका-६ बस्ने ७० वर्षीया पुट्की बुढा सोही गाउँपालिका-६ गडरहीस्थित तलाउमा बिहीबार मृत अवस्थामा फेला परेकी छन्।

सिन्धुलीको दुधौली नगरपालिका-१० कर्था बस्ने ५१ वर्षीय लिल बहादुर सार्की सोही नगरपालिका-१० स्थित कमला खोलाको दहमा बिहीबार मृत अवस्थामा फेला परेका छन्।

ताप्लेजुङको सिदिङ्वा गाउँपालिका-२ सादेवा सिब्रेक बस्ने ७० वर्षीय नर बहादुर दाहाल सोही ठाउँस्थित कोदो बारीमा बिहीबार मृत अवस्थामा फेला परेका छन्।
प्रहरीले सबै घटनाका सम्बन्धमा आवश्यक अनुसन्धान गरिरहेको जनाएको छ।