काठमाडौं । विश्व स्वास्थ्य संगठन (डब्ल्यूएचओ) का प्रमुखले सुडानी शहर अल-फाशेर कब्जा गरेपछि र्‍यापिड सपोर्ट फोर्स (आरएसएफ) का लडाकुहरूले मुख्य अस्पतालमा सयौं सर्वसाधारणको हत्या गरेको बताएका छन्।

डब्ल्यूएचओ प्रमुख टेड्रोस गेब्रेयससले भने – एजेन्सी “अल-फशेर अस्पतालमा ४६० जनाको मृत्युको खबरबाट स्तब्ध र गहिरो दुःखी” छ।

यसअघि, सुडान डाक्टर्स नेटवर्कले मंगलबार आरएसएफका लडाकुहरूले “बिरामीहरू, उनीहरूका आफन्तहरू र अन्य व्यक्तिहरू सहित अस्पतालमा उपस्थित सबैलाई क्रूरतापूर्वक मारे” भनी बताएको थियो।

डाक्टरहरूको सञ्जालले संख्या भने दिएन तर शहरका धेरै अस्पतालहरू “मानव वधशाला” मा परिणत भएको बताएको छ।

सुडान डाक्टर्स नेटवर्कले पनि आरएसएफलाई चार डाक्टर सहित छ जना स्वास्थ्यकर्मीको अपहरण गरेको आरोप लगाएको छ। सुडानको दक्षिणी डार्फरको राजधानी अल-फशेर, आरएसएफ विरुद्ध टिक्ने अन्तिम शहर हो।