जर्मनी । ईटालीका कोरोना संक्रमितलाई जर्मनीले आफ्नै देशमा ल्याएर उपचार गर्न शुरु गरेको छ । युरोपीयन समय अनुसार मंगलबार राती १ बजे इटालियन वायुसेनाको एक सैन्य विमान बिरामीहरू लिएर लाइपजिग एयरपोर्टमा उत्रिएको हो ।

विश्वभरमा कोरोनाका कारण मृत्यू हुनेको संख्या सबैभन्दा बढि इटलीमा छ । उपचार गर्न ठाउको अभाव, उपचारमा संलग्न २ दर्जन चिकित्सकहरुको निधन र आवश्यक चिकित्सकहरु नपुगेर ईटालीका प्रधानमन्त्री साह्रै भावुक भएका थिए।

पछिल्लो साता इटालीले यस्तो अवस्थामा पनि इयूका मुलुकको कुनै सहयोग नभएकोमा चित्त दुखाएको थियो । आज आफ्नै देशमा उताका बिरामी ल्याएर उपचार गर्न लागेको जर्मनीले हिजो मात्रै ३ सय भेन्टिलेटर, केहि विज्ञ र अन्य चिकित्सा उपकरण सहितको टोलीलाई पठाएको थियो।

गत साता मात्रै जर्मनीको अस्पतालहरुले फ्रान्सका कोरोना संक्रमित गम्भीर बिरामीहरुलाई सघन उपचार कक्षमा राखेर उपचार गराउने निर्णय गरेको थियो । पुरै युरोप कोरोनाबाट आक्रान्त त छदैछ झन ईटालीलाई नराम्ररी गाजेंको छ ।

कोरोना विरुद्धको यो लडाईंमा चीन, रुस, क्यूवा र जर्मनीले इटलीमा सहयोग गरिरहेका छन् अत्यन्तै प्रभावित इटलीको लोम्बार्दी सहर लगायत अन्य क्षेत्रमा क्यूबाका ५२ चिकित्सकले उपचार सहयोग गरिरहेका छन् । कोरोनाको उपचारका लागि क्युबाले ६० देशमा आफ्ना नर्स र डाक्टरलाई खटाएको छ ।

२०१४ मा अफ्रिकामा इबोला माहामारीको विरुद्ध लड्दा पनि क्युबाको व्यापक प्रशंसाा भएको थियो । विश्वको मन जितेको थियो। चीनको टोली २ साता अघिनै आवश्यक केही उपकरण र चिकित्सक टोली सहित इटाली पुगेर उपचार कार्य र आवश्यक सहयोग जारी राखेको छ ।

रुसले पनि आईतबार चिकित्सा उपकरण र केही स्वाथ्यकर्मीको टोलीलाई इटाली उतारेको छ । जसमा केही भाइरोलोजिस्ट र बैज्ञानिकहरु पनि रहेका छन् । कोरोना भाईरस लागेका गम्भीर बिरामीलाई १५ दिनसम्म सघन उपचार कक्षमा राखेर उपचार गर्नु पर्ने हुन्छ।

यूरो न्यूजका अनुसार, ईटलीमा जम्मा ५ हजार ९०, स्पेनमा ४ हजार ४ सय ४, फ्रान्समा ५ हजार सरकारी अस्पतालमा र ४ हजार निजी अस्पतालमा गरेर कुल ९ हजार, जर्मनीमा २८ हजार र स्विट्जरल्याण्डमा १ हजार तर चालु अवस्थामा रहेको ८ सय मात्र सघन उपचार कक्ष (Intensive Care Unit) रहेको छ।

जर्मनीमा भने २८ हजारको संख्यामा आईसीयू रहेको छ। यो जनसंख्याको आधारमा विश्वमा अमेरिका पछि दोश्रो हो।