काठमाडौं। प्रतिनिधसभाका सांसद सूर्यबहादुर केसीको निधन भएको छ। नेपाली काँग्रेसका केन्द्रीय सदस्य समेत रहेका केसीको पोखरास्थित निवासमै निधन भएको हो।

संघीय प्रतिनिधि सभाका सदस्य माननीय सूर्यबहादुर केसीको हिजो राती १०:३० बजे पोखरास्थित आफ्नै निवासमा निधन भएको खबरले दु:ख लागेको छ । उहाँप्रति भावपूर्ण श्रद्धाञ्जलि अर्पण गर्दै शाेकसन्तप्त परिवारजनमा गहिरो समबेदना व्यक्त गर्दछु ।

— K P Sharma Oli (@kpsharmaoli) November 3, 2020

उनी मधुमेह र उच्च रत्तचापको समस्याबाट पीडित थिए। लामो समय राष्ट्रिय प्रजातन्त्र पार्टीको राजनीति गरेका केसी निर्वाचनको मुखमै कांग्रेस प्रवेश गरेका थिए।

प्रतिनिधिसभाका सदस्य, पोखरा नगरपालिकाका पुर्व मेयर तथा सफल व्यवसायी सूर्यबहादुर केसीको असामयिक निधनको समाचार सुन्दा अत्यन्त दु:ख लागेको छ।दिवंगत आत्माको चिरशान्तिको कामना गर्दछु।शोकसन्तप्त परिवारजनमा हार्दिक समवेदना pic.twitter.com/joIUVGI5dm

— Kamal Thapa (@KTnepal) November 3, 2020

कांग्रेसबाट समानुपातिक कोटामा प्रतिनिधिसभा सदस्य बनेका केसी पहिलो संविधान सभाको निर्वाचनमा पनि राप्रपाबाट समानुपातिक सांसद बनेका थिए ।