काठमाडौं। जापानको राजधानी टोक्योमा जारी ओलम्पिक खेलमा खेलाडीहरु विभिन्न कारणले चर्चामा आइरहेका छन् । खेलको यो महाकुम्भमा केही महिला खेलाडी आफ्नो प्रदर्शनका कारण चर्चामा छन् भने केही आफ्नो सुन्दरताका कारण सामाजिक संजालमा भाइरल भइरहेका छन् । केही भने यस्ता छन् जसको ओलम्पिकसँग कुनै सरोकार छैन तर सामाजिक संजाल प्रयोगकर्ताहरुले उनीहरुलाई भाइरल बनाइदिएका छन् ।

2M VIEWS FOR THE ARCHERY GODDESS TZUYU 🔥pic.twitter.com/d7ky3Pkpcv

— tzuyu supporter (@prodigytzu) August 1, 2021

यस्तै एक सुन्दरी हुन् जुयु जसको भिडियो अहिले सामाजिक संजालमा निकै चर्चामा छ । उनलाई टोक्यो ओलम्पिकसँग जोडेर प्रचार गरिएको छ । सामाजिक संजालमा उनलाई चीन, ताइवान साथै कोरियाको आर्चरी टिमकी खेलाडी भनिएको छ । जुयुको जुन भिडियो भाइरल भइरहेको छ त्यसमा उनले आर्चरी प्रतियोगितामा भाग लिइरहेकी छिन् । कसैले उनलाई कोरियाली र कसैले चिनियाँ भनिरहेका छन् ।

tzuyu is being praised by indian locals too 😭 this translates to “someone please give her all the 3 medals and even if she didn’t participate, then go to her house and give her the gold, silver and bronze medals” pic.twitter.com/zhD48Lq7BX

— mansi (@illicitaegi) July 31, 2021

खासमा जुयुको ओलम्पिकसँग कुनै सरोकार छैन । उनी खेलाडी नभइ गायिका हुन् । उनी एक आइडल हुन् र उनले आइडल स्टार एथलेटिक्स च्याम्पियनशिप (आइएसएसी) मा भाग लिएकी थिइन् । जुयुको यो भिडियो त्यही प्रतियोगितामा भाग लिँदाको हो । उनले आइडल स्टार एथलेटिक्स च्याम्पियनसिपमा धेरै पटक भाग लिएकी छिन् र त्यहाँ उनी आफ्नो कौशल र सुन्दरताका कारण भाइरल भइरहेकी छिन् । जुयुको भाइरल भएको भिडियो २०१९ मा भएको आइडल स्टार एथलेटिक्स च्याम्पियनसिपको हो । जुयु ताइवानकी हुन् र उनी एक गायिका हुन् ।