काठमाडौं ।  अहिले हामी साउन महिनामा छौं। साउन महिना शिवभक्तहरुका लागि पर्वभन्दा कम छैन । यस महिनामा सबै शिव भक्तहरूले भगवान शिवलाई प्रसन्न पार्न पूजा र व्रत बस्छन्। त्यसैगरी साउनको व्रत सबैले आ–आफ्नो तरिकाले राख्ने पनि गर्दछन् ।

साउन महिनाभर माछा मासु नखाई शुद्ध भएर व्रत बस्ने गरिन्छ । व्रतको समयमा धेरै महिलाहरु कमजोरी हुने गर्दछ । यस्तो अवस्थामा स्वस्थ्य खानेकुराहरुको सेवन गर्नुपर्छ ।
साउनको सोमबार व्रतका समयमा पिउने केही पेय पदार्थहरूका बारेमा जानकारी दिदैंछौं । जुन पेय पदार्थको सेवनले तपाईंलाई कमजोर बनाउँदैन।

साउनमा पिउनुहोस् यी जुस:

जुस – व्रतको समयमा घरमा बनाएको ताजा जुस पिउन सक्नुहुन्छ । स्याउ, आँप, मोसंबी वा सुन्तलाको सुन्तलाको जुस पिउनाले रोग प्रतिरोधात्मक क्षमता बढाउन मद्दत गर्छ । यस्तो अवस्थामा साउनको सोमबार व्रतमा यी फलफूलको जुस सेवन गर्न सक्नुहुन्छ । यी फलफूलको जुस सेवन गर्नाले कमजोरी महसुस हुँदैन ।

तरकारीको जुस– यो जुस बनाउनको लागि दही, काँको र टमाटर चाहिन्छ। यसलाई बनाउनको लागि पहिले पानी हालेर दहीलाई राम्ररी मिक्स गर्नुहोस् । त्यसपछि त्यसमा पिसेको काँक्रो टमाटर हाल्नुहोस्। थोरै भुटेको जीरा पनि हाल्न सक्नुहुनेछ । काँक्रोमा प्रशस्त मात्रामा पानी हुनुका साथै भिटामिन र पोटासियम पनि पाइन्छ ।

नरिवल पानी– शरीरको लागि सबैभन्दा राम्रो पेय मध्ये एक नरिवल पानी हो। यसले शरीरमा तरल पदार्थको कमी हुन दिँदैन। तपाईं आफैलाई हाइड्रेट गर्न यो पेय पिउन सक्नुहुन्छ।