काठमाडौं । विश्वकपको पहिलो सेमिफाइनलअघि न्यूजिल्याण्डका कप्तान केन विलियम्सनले भारतीय टोलीलाई मुम्बईमा ‘जे पनि हुनसक्ने’ चेतावनी दिएका छन् ।

दुवै टोली आज मुम्बईमा भिड्दैछन् । सन् २०२३ को विश्वकपमा अहिलेसम्म अपराजित रहेको भारतीय टोलीले न्युजिल्याण्डलाई लिग राउण्डमा पनि हराएको थियो ।

उक्त खेलमा केन विलियमसन खेलेका थिएनन् । त्यतिबेला उनी चोटका कारण प्लेइङ इलेभेनबाट बाहिर भएका थिए ।

खेलअघि मिडियासँग कुरा गर्दै केन विलियम्सनले भने, ‘यदि हामीले आफ्नो क्षमता अनुसार खेल्यौं भने जे पनि हुन सक्छ ।

आईसीसी प्रतियोगितामा न्युजिल्याण्डको भारतविरुद्धको रेकर्ड राम्रो छ । न्युजिल्यान्डले २०१९ विश्वकपको सेमिफाइनलमा भारतलाई हराएको थियो ।

विश्व टेस्ट च्याम्पियनसिपको फाइनलमा पनि न्यूजिल्याण्डले भारतलाई हराएको थियो ।

न्युजिल्यान्डका कप्तानले विश्वकपमा भारतीय टोलीको प्रदर्शन विशेष रहेको तर सेमिफाइनलमा दुवै टोलीले बराबरी खेल्ने सम्भावना रहेको बताए ।

उनले भने, “हामीलाई थाहा छ कि यदि दिन हाम्रो हो र हामीले राम्रो प्रदर्शन गरिरहेका छौं भने हामीसँग राम्रो मौका छ।”

मुम्बईमा हुने सेमिफाइनलका सबै टिकट बुक भइसकेका छन् र अधिकांश दर्शकले भारतीय टोलीलाई समर्थन गरिरहेका छन् ।

यस अवस्थाको बारेमा विलियमसनले भने, “हामी सेमिफाइनलमा पूरै रंगशाला नीलो (भारतीय जर्सीको रंग) हुनेछ भन्ने आशा गर्छौं। हाम्रो टोलीका खेलाडीहरूसँग हरेक परिस्थितिमा खेल्ने अनुभव छ।”