मेक्सिको सिटी। मेक्सिकोको नुवो लिओनमा बस्ने २३ वर्षकी युवती एलेक्सा टेरेसस शनिबार छैटौं तलामा रेलिङमा झुण्डिएर योग गरिरहेकी थिइन् । यस क्रममा उनको खुट्टा चिप्लियो र उनी करिब ८० फिट तल खसिन् । एलेक्सालाई अस्पताल भर्ना गरियो जहाँ डाक्टरले ११ अण्टाको अपरेशनपछि उनलाई बचाए । तर, अबको ३ वर्षसम्म एलेक्सा हिँडडुल गर्न सक्ने छैनन् ।

घटनापछि एलेक्साका केही तस्वीर पनि सार्वजनिक भएका छन् । तस्वीरमा उनी बाल्कोनीको रेलिङमा उल्टा झुण्डिएको देखिएकी छिन् । डाक्टरका अनुसार एलेक्साको हात खुट्टामा कैयौं फ्याक्चर छन् । कम्मर र टाउकोमा पनि चोट छन् । यही कारण सर्जरीमा लामो समय लाग्यो । सर्जरीको क्रममा रगतको आवश्यकता परेको थियो । रगतको लागि परिवारले सामाजिक संजालको सहारा लिएर दाताहरु जुटाएका थिए ।