टाढा बसेर कोही यसरी सताउने छन्
आफैं नआई आफ्ना झल्को पठाउने छन्

आफैं अगाडि आए पीडाको बाँझो चिर्न
अब पाखुराहरूले हाँसो फुलाउने छन्

गाग्रीको छेउ लोटा देखेर याद आयो
साथै हुनेहरूले रित्तो बनाउने छन्

तागत रहन्छ औधी साना कुराहरूमा
हेरे नयन कसैका दुनियाँ झुकाउने छन्

यौटा नियम छ माया गर्नेहरूको लागि
मनमा फुलाएकानै मनमा बिझाउने छन्

सोध्दै नआऊ के हो दुनियाँ भरी महंगो
दुनियाँ जिते बराबर बा मुस्कुराउने छन्

बाच्नै सकेन कोही हाँस्दै महल पसेथ्यो
त्रीपाल भित्र कोही जीवन फुलाउने छन्।