कविता : त्यसैले मान्छेले एआई बनाए
मान्छेलाई धेरै स्वतन्त्रता दिएपछि
मान्छेले मान्छेलाई नै टेर्न छाडे,
अनि अनुसन्धानमा पैसा खनाए
त्यसैले मान्छेले एआई बनाए।
कल्पना गरौँ, कस्तो हुन्थ्यो होला?
सांसदहरू पनि एआई नै भए!
न त निर्वाचन, न त कुनै दल,
न भाषण, न आयोग, न अनावृत्त छलफल।
निर्दलीय दल एआईकै हुने,
नचाहिने सभामुख र अनेक पद,
न त पक्ष-विपक्षले कुर्सी ढाल्ने,
एआईले जनहितकै कानुन बनाउने।
सानो ठाउँ, एउटै कोठा पर्याप्त
किन चाहियो विशाल संसद् भवन?
न त चाहिने जम्बो सांसदको हुल,
भ्रष्टाचार र सरकारी ठगी सबै निर्मूल!
संसारभरका नेपालीलाई बराबरी माया,
स्वाभिमान, सुख र समृद्धिको संविधान,
एउटै मन, एउटै भावना, पुर्खाको एउटै रगत,
एआईले कोर्नेछ विशाल नेपाली जगत।
मान्छेमा इमान, धर्म र संस्कार हराएपछि
मान-इज्जत र सहयोग नै गर्न छाडे,
स्वार्थीलाई तह लगाउन बुद्धि खियाए
त्यसैले मान्छेले एआई बनाए।
No ads found for this position
प्रतिक्रिया
Facebook Comment