काठमाडौं । इजरायलमा स्थानीय समयअनुसार बिहान ९:२० बजेसम्म ६६.२ प्रतिशत मतपेटिकाको गणना सकिँदा केन्द्रीय निर्वाचन आयोगद्वारा प्रकाशित प्रारम्भिक नतिजा अनुसार प्रधानमन्त्री बेन्जामिन नेतान्याहु नेतृत्वको गठबन्धनले ५६ सिट प्राप्त गरेको छ भने यासर पार्टीका गादी आइजेनकोट नेतृत्वको गठबन्धनले ४८ सिट हासिल गरेको छ।

नेतान्याहुको विरोधमा रहेका अरब पार्टीहरूले १६ सिट प्राप्त गरेका छन्। संसद्‌मा स्पष्ट बहुमत प्राप्त गर्नका लागि ६१ सिट आवश्यक पर्दछ।

३.२५ प्रतिशतको थ्रेसहोल्ड (न्यूनतम सीमा) पार गर्न नसकेका दलहरूमा ‘द रिजर्भिस्ट्स’ (२.७%), ‘पिपल अफ इजरायल’ (१.६%), र ‘हारेदी पब्लिक’ (०.२%) रहेका छन्।

यी सार्वजनिक गरिएका नतिजाहरू आंशिक हुन् र मतगणना जारी रहेकाले यसमा परिवर्तन हुनसक्नेछ। सैनिकहरूलगायत ‘डबल इन्भेलप’ (दोहोरो खाम) मार्फत खसालिएका मतहरूको गणना पछि गरिनेछ।