रहस्यमय व्यक्ति १२ वर्षदेखि हरेक रात आधा घण्टा मात्र सुत्छन् तर थकान महसुस हुँदैन – Dcnepal

रहस्यमय व्यक्ति १२ वर्षदेखि हरेक रात आधा घण्टा मात्र सुत्छन् तर थकान महसुस हुँदैन

काठमाडौं। जापानका एक व्यक्तिले विगत १२ वर्षदेखि आफू हरेक रात केवल आधा घण्टा मात्र सुतेको दावी गरेका छन् । उनका अनुसार केवल आधा घण्टा निदाउँदा पनि उनलाई कहिल्यै थकान महसुस हुँदैन ।

जापानका दाइसुके होरीका अनुसार उनले हरेक दिन आफ्नो सुत्ने समय ८ घण्टाबाट घटाएर केवल आधा घण्टा बनाएका छन् । यतिमात्र होइन उनको दावीअनुसार यति कम समय सुत्दा पनि उनको स्वास्थ्यमा कुनै नकारात्मक प्रभाव परेको छैन । अनौठा समाचारहरु प्रकाशित गर्ने वेबसाइट ओडिटी सेन्ट्रलका अनुसार ३६ वर्षका होरी ‘जापान सर्ट स्लिपर्स एसोसिएसन’का अध्यक्ष हुन् ।

उनी सयौं अन्य मानिसहरुलाई आफ्नो थोरै सुत्ने तरिका सिकाउँछन् ताकि मानिसहरुले कम सुतेर आफ्नो उत्पादकत्व बढाएर शानदार जीवन बाँच्न सकुन् । कम निद्राका विशेषज्ञले उनलाई यस विषयमा थप व्यख्या गरिदिनको लागि आमन्त्रित गरेका थिए जसलाई जापानी टेलिभिजनमा प्रसारण गरिएको थियो ।

होरीका अनुसार उनलाई सधैं महसुस भइरह्यो कि १६ घण्टा ती सब कुरा हासिल गर्नको लागि पर्याप्त हुँदैन जुन उनी एक दिनमा हासिल गर्न चाहन्थे । त्यसैले विस्तारै उनले आफ्नो निद्राको दिनचर्यालाई कम गर्ने तरिकाको साथमा प्रयोग गर्न सुरु गरे । यसरी केही वर्षमै उनी आफ्नो निद्रालाई केवल आधा घण्टामा सीमित गर्न सक्षम भएको उनले दावी गरे ।

उनका अनुसार यसरी निद्राको समय यति धेरै घटाउँदा पनि उनलाई थकानको सट्टा स्वस्थ र ऊर्जावान महसुस हुन्छ । आफ्नो अविश्वसनीय क्षमतालाई प्रमाणित गर्नको लागि उनले आफ्नो अनौठो जीवनशैली ओडिटी सेन्ट्रलको रिपोर्टमा दस्तावेजीकरण गर्नको लागि एक टिभी क्रुलाई ३ दिनसम्म आफ्नो घरमा राखे । आश्चर्यजनक रुपले उनी वास्तवमै केवल ३० मिनेट सुतेर फेरि आफ्नो काममा लागे ।

Facebook Comment


सम्बन्धित खवर

ताजा भिडियो