काठमाडौं। टि–२० विश्वकपको दोस्रो सेमिफाइनलमा अस्ट्रेलियाले पाकिस्तानलाई ५ विकेटले हराएको थियो । खेलमा हसन अलीले म्याथ्यु वेडको क्याच छोडेका थिए । उनको हातबाट क्याच छुटेलगत्तै वेडले लगातार ३ छक्का हानेर खेल जितेका थिए । त्यसपछि हसन अली र उनकी पत्नीको धेरै आलोचना भएको थियो ।

अब हसन अलीले आफ्नो गल्तीको लागि पाकिस्तानी क्रिकेट प्रेमीहरुसँग माफी मागेका छन् । उनले सामाजिक संजालमा लेखेका छन् ‘मलाई थाहा छ तपाइँहरु मबाट धेरै निराश हुनुहुन्छ किनकि म तपाइँहरुको अपेक्षाअनुसार खरो उत्रिन सकिन । तर यतिबेला मजति दुखी शायदै कोही होला । तपाइँहरुका मबाट जे अपेक्षा छन् त्यसको लागि निराश नहुनुस् । म आफ्नो देशको हरेक स्तरमा सेवा गर्न चाहन्छु । मैले फेरि कडा मेहनत सुरु गरेको छु । म अझै बलियो भएर तपाइँहरुको अगाडि आउनेछु । तपाइँहरुको प्रिय सन्देश र आशीर्वादको लागि धन्यवाद मलाई यसको धेरै आवश्यकता थियो ।’

میرا سینہ تیری حُرمت کا ہے سنگین حصار،
میرے محبوب وطن تُجھ پہ اگر جاں ہو نثار

میں یہ سمجھوں گا ٹھکانے لگا سرمایہِ تن،
اے میرے پیارے وطن 💚🇵🇰 pic.twitter.com/4xiTS0hAvx

— Hassan Ali 🇵🇰 (@RealHa55an) November 13, 2021

हसन अलीकी पत्नी भारतीय हुन् र यही कारण उनकी पत्नीको निकै आलोचना भएको थियो । पाकिस्तान हारेपछि हसन अली शिया मुस्लिम भएको र उनकी पत्नी सामिया भारतीय भएको भन्दै सामाजिक संजालमा दुवै विरुद्ध निकै आपत्तिजनक र अपशब्द प्रयोग गरिएको थियो । हसन अलस्लाई पाकिस्तानमा गद्दार समेत भनिएको थियो । यसअघि भारत पाकिस्तानसँग हारेपछि पनि भारतमा मोहम्मद शमीलाई पाकिस्तानी गद्दार भन्दै आपत्तिजनक गाली गरिएको थियो ।