काठमाडौं । बंगलादेशकी प्रधानमन्त्री शेख हसिनाले आफ्नो देशमा शरण लिएका रोहिंग्यालाई फर्काउने विषयमा म्यानमारबाट कुनै सकारात्मक प्रतिक्रिया नआएको बताएकी छिन् ।

कतार भ्रमणका क्रममा अल जजिरालाई दिएको अन्तर्वार्तामा शेख हसिनाले यस्तो भनेकी हुन् । बंगलादेशले म्यानमारमा उत्पीडन, हत्या र बलात्कारको सिकार भएका रोहिंग्याहरूलाई मानवीय आधारमा शरण दिएको छ।

कक्स बजारमा हालै भएको आगलागीसँग सम्बन्धित प्रश्नमा शेख हसिनाले अन्तर्वार्तामा भनिन्, ‘जब म्यानमारमा रोहिंग्याहरू उत्पीडित भए, उनीहरूसँग हत्या, बलात्कारजस्ता घटनाहरू भए… हामीलाई रोहिंग्याहरूका लागि नराम्रो लाग्यो… त्यसपछि हामीले हाम्रो सिमाना खोल्‍यौं… हामीले तिनीहरूलाई भित्र पस्न दियौं। साथै हामीले तिनीहरूलाई बस्नको लागि ठाउँ दियौं, सबै कुरा मानवीय आधारमा।”

उनले भनिन्, “हामीले म्यानमारसँग वार्ता सुरु गरेका थियौं। हामीले रोहिंग्याहरू तपाईंको देशका नागरिक हुन् र उनीहरूलाई आफ्नो देश फर्कन दिनु पर्छ भनी भनेका थियौं। दुर्भाग्यवश उनीहरू (म्यानमार) ले सकारात्मक प्रतिक्रिया दिइरहेका छैनन्। मलाई लाग्छ यी मानिसहरू फर्किनुपर्छ। आफ्नो घर र देश।”

कक्स बजारमा बस्ने रोहिंग्याको अवस्थाबारे शेख हसिनाले त्यहाँको अवस्था खास नभएको बताइन् । शेख हसिनाले भनिन्, “रोहिंग्याहरू अहिले आफैं आपसमा लडिरहेका छन्। उनीहरू लागूऔषध, हतियार र मानव बेचबिखन जस्ता आपराधिक गतिविधिमा संलग्न भएका छन्। यससँगै उनीहरूबीच धेरै विवादहरू छन्।”