काठमाडौं । अफगानिस्तानको तालिबान सरकारले हालै पाकिस्तान सरकारको तोर्खाम नाका बन्द गर्ने निर्णयप्रति असन्तुष्टि व्यक्त गरेको छ । अब पाकिस्तानको विदेश मन्त्रालयले यसबारे प्रतिक्रिया दिएको छ ।

तालिबान सरकारले अफगानिस्तान–पाकिस्तान सीमामा रहेको तोर्खाम सीमा ‘अनुचित कारणले’ बन्द गर्नु दुई देशबीच हालसम्म भएका सबै सम्झौता विपरीत भएको बताएको थियो ।

यसबारे पाकिस्तानको विदेश मन्त्रालयले भनेको छ, ‘अफगानिस्तानको विदेश मन्त्रालयको भनाइ अचम्मको छ किनकि अन्तरिम अफगानिस्तान सरकारका अधिकारीहरुलाई पाकिस्तान–अफगानिस्तान सीमा तोरखाममा अस्थायी रुपमा बन्द गर्नुको कारण राम्ररी थाहा छ ।’

विज्ञप्तिमा भनिएको छ, ‘अन्तरिम अफगान सरकारले आफ्नो भूभागमा कुनै पनि संरचनाको निर्माण पाकिस्तानले स्वीकार गर्न सक्दैन किनकि यो उसको सार्वभौमसत्ताको उल्लङ्घन हो।’