काठमाडौं । भारतीय क्रिकेट टोलीका कप्तान रोहित शर्माले शनिबार साँझ पाकिस्तानसँगको खेलका बारेमा सञ्चारकर्मीसँग कुरा गरेका छन् ।

श्रीलंकाको क्यान्डी शहरमा दिउँसो ३ बजेदेखि एसिया कपको तेस्रो खेल भारत र पाकिस्तानबीच हुँदैछ । भारत र पाकिस्तानसँगै विश्वभरका करोडौं क्रिकेट प्रेमीहरु यो खेलको उत्सुकताका साथ पर्खिरहेका छन् ।

यो खेलमा विराट कोहली र रोहित शर्मा जस्ता भारतीय ब्याट्सम्यानले पाकिस्तानका शाहिन अफ्रिदी, नसिम शाह र हरिस रउफ जस्ता फास्ट बलरसँग प्रतिस्पर्धा गर्नेछन् ।

रोहित शर्माले यस खेलको चुनौतीबारे मिडियासँग कुरा गर्दै भने, ‘तिनीहरू सबै राम्रा बलर हुन्। हामीले भोलि उनीहरूविरुद्ध खेल्ने हाम्रो अनुभवलाई प्रयोग गर्नुपर्छ।’