काठमाडौं । इजिप्ट कूटनीतिज्ञहरू र अन्तर्राष्ट्रिय सहायता एजेन्सीहरूबाट गाजासँगको इजिप्टको सीमा रफाह क्रसिङ खोल्न दबाबमा छ।

यो क्रसिङ खुलेपछि दुई ठाउँको नागरिकता भएका र गाजामा फसेका विदेशीले गाजा छोड्न सक्नेछन् ।

शनिबार अमेरिकाले आफ्ना नागरिकहरूलाई क्रसिङ खोल्ने समयमा तयार रहन र दक्षिणतर्फ जान सल्लाह दिएको थियो । धेरै प्यालेस्टिनी-अमेरिकीहरू पहिले नै क्रसिङ नजिक भेला भएका छन्।

सोमबार अमेरिकी दूतावासले फेरि यो सल्लाह दोहोर्‍यायो।

संयुक्त राष्ट्र र एक्सनएड जस्ता सहायता एजेन्सीहरूले पनि मानवीय सहायता गाजा पुग्न अनुमति दिन यो क्रसिङ खोल्न अपील गरेका छन्।

अमेरिकी सञ्चारमाध्यमका अनुसार रफा क्रसिङ सोमबार “केही घण्टाका लागि” खुल्नेछ।

एनबीसी न्यूजले प्यालेस्टिनी अधिकारीलाई उद्धृत गर्दै यो क्रसिङ स्थानीय समय अनुसार बिहान ९ बजे करिब दुई घण्टा खुल्ने बताएको छ ।

एबीसी न्यूजले एक सुरक्षा स्रोतलाई उद्धृत गर्दै भन्यो कि क्रसिङ सोमबार केही घण्टाको लागि खुला हुनेछ र दिउँसो बन्द हुनेछ।