काठमाडौं । इजरायल–हमास द्वन्द्वमा अमेरिकाको अडानप्रति असहमति जनाउँदै अमेरिकी विदेश मन्त्रालयका एक अधिकारीले आफ्नो पदबाट राजीनामा दिएका छन् ।

जोस पल अमेरिकी सहयोगीहरूलाई हतियार हस्तान्तरण गर्ने मन्त्रालयको एजेन्सीमा कार्यरत थिए।

उनले ‘लिंक्ड इन’ मा पोस्टमा भनेका छन्, “म द्वन्द्वको एक पक्षमा हतियारको ठूलो आपूर्ति समावेश गर्ने निश्चित फराकिलो नीतिहरूको समर्थनमा सेवा गर्न सक्दिन। मलाई विश्वास छ कि यो निर्णय अदूरदर्शी, अन्यायपूर्ण र विनाशकारी छ र हामीले सार्वजनिक रूपमा बोल्ने मूल्यहरूसँग बाझिएको छ। यो हामीले गर्ने कामको विपरीत छ।”

पलले इजरायलमा हमासको हमला ‘क्रूर’ भएको तर इजरायलको प्रतिक्रियाले इजरायली र प्यालेस्टिनीहरूको पीडा घटाउने छैन बरु थपिने बताए।