काठमाडौं । न्यूयोर्क शहरका मेयर जोहरान ममदानीले इजरायली प्रधानमन्त्री बेन्जामिन नेतान्याहूको न्यूयोर्क आइपुगेपछि पक्राउको बारेमा सोधिएका प्रश्नहरूको जवाफ दिएका छन्।

ममदानीले भने, ‘प्रधानमन्त्री नेतान्याहूसँग शब्दको युद्ध वा आरोप-प्रत्यारोपमा पर्न मलाई कुनै रुचि छैन।’

नेतान्याहूको प्रतिक्रियासँग सम्बन्धित प्रश्नहरूलाई बेवास्ता गर्दै ममदानीले यो कुरा भने।

अन्तर्राष्ट्रिय फौजदारी अदालतको बारेमा आफ्ना अघिल्ला टिप्पणीहरू राष्ट्रपति डोनाल्ड ट्रम्पसँग छलफल गरेका थिए कि थिएनन् भनेर सोध्दा, ममदानीले राष्ट्रपति ट्रम्पसँगको आफ्नो कुराकानी सार्वजनिक नगर्ने बताए।

उनले यो पनि भने – उनको प्राथमिकता न्यूयोर्कका सबै बासिन्दाहरूको सुरक्षा सुनिश्चित गर्नु हो।

यसअघि नेतान्याहूले सेप्टेम्बरको अन्त्यतिर संयुक्त राष्ट्र संघको महासभा बैठकमा भाग लिन न्यूयोर्क जाने बताएका थिए।

उनले ममदानीमाथि घृणा फैलाएको आरोप पनि लगाए।

जोहरान ममदानीले न्यूयोर्क आइपुगेपछि उनलाई पक्राउ गर्ने धम्की दिएका थिए।

यद्यपि, पछि उनले आफ्नो बयान फिर्ता लिए। उनले स्वीकार गरे – अन्तर्राष्ट्रिय फौजदारी अदालत (आईसीसी) द्वारा जारी गरिएको पक्राउ वारेन्टको आधारमा नेतान्याहूलाई पक्राउ गर्ने कानुनी अधिकार आफूसँग छैन।