काठमाडौं। नेपाली कांग्रेसको नियमित महाधिवेशन पक्षधर समूहले ओखलढुंगा जिल्लाका पालिका तथा प्रदेशसभा निर्वाचन क्षेत्रहरूको क्षेत्रीय अधिवेशन सम्पन्न गरेको छ।

१५ औं महाधिवेशन तयारी समितिकी केन्द्रीय प्रतिनिधि गोमा केसीका अनुसार दशैँ र तिहारको बीचको अवधिमा पालिका तथा प्रदेशसभा क्षेत्रीय अधिवेशन सम्पन्न गरिएको हो।

सबै पालिका र दुवै प्रदेशसभा निर्वाचन क्षेत्रमा सर्वसम्मत रूपमा नेतृत्व चयन भएको जिल्ला निर्वाचन समितिका सहसंयोजक अधिवक्ता चन्द्रमणी अधिकारीले जानकारी दिए।

चयन भएका सभापतिहरूको सूची

१. पालिका स्तरका सर्वसम्मत सभापतिहरू

• चिसङ्खुगढी गाउँपालिका: डिकबहादुर कार्की

• सिद्धिचरण नगरपालिका: पवन श्रेष्ठ

• मोलुङ गाउँपालिका: केपी दाहाल

• खिजीदेम्बा गाउँपालिका: पेमा निम्बा शेर्पा

• लिखु गाउँपालिका: मिन सुवेदी

• चम्पादेवी गाउँपालिका: दीपक कार्की

• मानेभञ्ज्याङ गाउँपालिका: इन्दिरा दाहाल

• सुनकोशी गाउँपालिका: चूडामणी धमला

२. प्रदेशसभा क्षेत्रका सर्वसम्मत सभापतिहरू:

• प्रदेशसभा क्षेत्र ‘क’: विश्वराज राई

• प्रदेशसभा क्षेत्र ‘ख’: देवेन्द्र पौडेल