आमा ! त्यो उज्यालो जुन हुन्

जसले, घरको औँशी , सर्लक्क निलिदिन्छिन्।

अनि गृहस्थीको पूर्णिमामा आफूलाई सधैं निरन्तरता दिन्छिन् आमा १ ममताको बाक्लो त्यो खास्टो हुन्,

जस्का, स्नेहका तापहरूले , पौषको ठान्दा नै बिर्साइदिन्छ

र माघ महिनाको तुषारोनै विलाइदिन्छिन्।

आमा ! सहनशीलता का फराकिला आकाशहरु हुन्

जस्ले गर्भदेखि चित्तासम्मका ,

करोडौं पीडाहरूका वोजन आफूभित्रै व्यवस्थापन गरेर ,

आफ्ना नयनहरुमा शालिनताका

स्रावण – भाद्र बोकेर पनि ,

सन्तानका भविष्यहरूका फाँट , सुन्दर र सुरक्षित बनाउन , आफूलाई सधैं

ती रंगीन इन्देणीहरुमा रुपान्तरित गर्छिन् ।

आमा ! जननी हुन् , आमा ! धर्ति हुन् !

आमा आशा हुन् , आमा भरोसा हुन् ।

आमा मेरो जीवनको पहिलो र अन्तिम दुवै कुशल शिक्षिका हुन् आमा ! मेरो जीत हुन् आमा मेरो प्रेरणा हुन्।

आमा ! मेरो कामना हुन्

जसले , कहिल्यै कसैसँग हार हुन सिकाइन्

आमा ! मेरो पूर्ण विश्वास हुन् , आमा मेरो दृढ संकल्प हुन् ।

जसले , कहिल्यै कसैसँग शीर निहुर्र्याउन सिकाइन्।

आमा सत्यको प्रतीक हुन्,

जस्ले सँधै नडगमगाई, मात्र सत्य बोल्न सिकाइन् ।

आमा ! मेरो आजको आत्मबल हुन्।

आमा ! मेरो ओठको मुस्कानहरु हुन् ।

आमा ! आशिर्वाद हुन्,आमा मेरो आदर्श हुन्।

आमा ! कर्म हुन् , आमा१ मेरो भाग्य हुन् ।

आमा ! मैले देख्ने दृश्यका ती सारा आकाश हरु हुन् ।

आमा ! मैले फेर्ने स्वासका हरेक धड्कनहरु हुन् ।

आमा ! मेरो मन मन्दिरको देवता हुन्।

आमा मेरो मन बचन र कर्मका सारथीहरू हुन्

आमा ! मेरो जिवनको सबथोक हुन् ।

आमा१ थिईन र त आज म छु ।

त्यसैले म भन्छु आमा मेरो जिवनको सबथोक हुन्१

आमा ! मेरो जिवनको सबथोक हुन्१

“आमा दिवसको हार्दिक शुभकामना !”

उर्मिला निर्दोषी

सेन्ट लुईस, अमेरिका