काठमाडौं । अमेरिकी विदेशमन्त्री मार्को रुबियोले इरानसँग जारी संकट अन्त्य गर्न अमेरिका वार्ता र सम्झौताको लागि तयार रहेको बताएका छन्, तर इरान यस विषयमा गम्भीर देखिँदैन।

बीबीसी फारसीका अनुसार , रुबियोले दक्षिण-पूर्वी एसियाली देशका विदेशमन्त्रीहरूको बैठकमा अमेरिका-इरान तनावबारे आफ्नो विचार व्यक्त गरे।

उनले भने, ‘संकट अन्त्य गर्न अमेरिका अझै पनि इरानसँग वार्ता गर्न तयार छ, तर इरान वार्ताप्रति गम्भीर छैन।’

यसैबीच, एक वरिष्ठ इरानी अधिकारीले सोमबार समाचार एजेन्सी रोयटर्सलाई बताएअनुसार इरानले मध्यस्थकर्ताहरू मार्फत १० दिने युद्धविरामको प्रस्ताव प्राप्त गरेको छ।

इरानका गृहमन्त्रीले हालै पाकिस्तानको भ्रमण गरेका थिए, जसको क्रममा उनले पाकिस्तानका प्रधानमन्त्री शाहबाज शरीफ र सेना प्रमुख जनरल असिम मुनीरसँग भेट गरेका थिए।