काठमाडौं । आईसीसी क्रिकेट विश्वकप २०२३ मा भारत र पाकिस्तानबीचको बहुप्रतिक्षित खेलको नयाँ मिति छिट्टै निश्चित हुन सक्छ।

समाचार एजेन्सी एएनआईले ईएसपीएन क्रिकइन्फोलाई उद्धृत गर्दै भनेको छ कि अब यो खेल अक्टोबर १५ को सट्टा अक्टोबर १४ मा हुनेछ।

अक्टोबर १५ नवरात्रिको पहिलो दिन हो । त्यसैले सुरक्षा निकायको सल्लाहमा भारत–पाकिस्तान खेलको मिति परिवर्तन गर्न पहल गरिएको हो ।

आईसीसीले परिमार्जित तालिका सार्वजनिक नगरेपनि पाकिस्तान क्रिकेट बोर्डले यो परिवर्तन गर्न सहमत भएको प्रतिवेदनले दाबी गरेको छ ।

यो खेल अहमदाबादको नरेन्द्र मोदी स्टेडियममा पहिले घोषणा गरिए अनुसार हुनेछ। प्रतियोगिताको सबैभन्दा ठूलो खेलको मिति परिवर्तनले पाकिस्तानको यसअघि श्रीलंकासँगको खेल पनि प्रभावित हुनेछ ।

यो खेल पहिले नै तय गरिएको हैदरावाद स्टेडियममा हुनेछ, तर अब अक्टोबर १२ को सट्टा १० अक्टोबरमा गर्न सकिन्छ ताकि पाकिस्तानसँग यी दुई खेलहरू बीच पर्याप्त समय होस्।