काठमाडौं । वेस्ट इन्डिजसँगको पाँचौं टी–२० खेलमा भारत ८ विकेटले पराजित भएको छ । योसँगै वेस्ट इन्डिजले सात वर्षपछि टी–२० सिरिज जितेको छ ।

टी–२० सिरिजमा पराजयपछि भारतका पूर्व बलर वेंकटेश प्रसादले फेरि एकपटक टिम इन्डियाको आलोचना गरेका छन् ।

उनले एक्स (ट्विटर) मा लेखेका छन्, “भारतको टो-२० र एकसिवसीयमा प्रदर्शन केही समयदेखि सामान्य रहेको छ। भारत केही महिनाअघि टी-२० विश्वकपमा छनोट हुन नसकेको टोली वेस्ट इन्डिजसँग पराजित भएको छ। हामीले बंगलादेशसँगको एकदिवसीय सिरिज पनि हार्‍यौं। मलाई आशा छ कि टोलीले मूर्ख बयान गर्नुको सट्टा आत्मपरीक्षण गर्नेछ।”

“५० ओभर मात्र होइन, वेस्ट इन्डिज गत अक्टोबर–नोभेम्बरमा भएको टी–२० विश्वकपका लागि छनोट हुन पनि असफल भयो । भारतले खराब प्रदर्शन गरेर मुद्दा ढाकछोप गरेको देख्दा दुःख लाग्छ। भारतमा रन बनाउने भोक देखिदैन ।”

India has been a very very ordinary limited overs side for sometime now. They have been humbled by a West Indies side that failed to qualify for the T20 WC few months back. We had also lost to Ban in the ODI series. Hope they introspect instead of making silly statements #IndvWI

— Venkatesh Prasad (@venkateshprasad) August 13, 2023

वेस्ट इन्डिजको टोलीले भारतविरुद्धको पाँच खेलको टी–२० सिरिजको अन्तिम खेल ८ विकेटले जित्दै सिरिज ३–२ ले जितेको छ ।

पाँचौं टी-२० खेलमा वेस्ट इन्डिजलाई भारतीय टोलीले १६६ रनको लक्ष्य दिएको थियो, जुन १८ ओभरमा दुई विकेटको क्षतिमा पुरा गरेको थियो ।

टोलीका लागि ब्रान्डन किङले अविजित ८५ रन बनाए । सोही क्रममा निकोलस पुरनले ४७ रनको इनिङ्स खेलेका थिए । १६६ रनको लक्ष्य पछ्याउन थालेको वेस्ट इन्डिजको टोलीको यो खेलमा राम्रो सुरुवात हुन सकेन ।

ब्रान्डन किङ र निकोलस पूरनले मिलेर पहिलो ६ ओभरमा १ विकेट गुमाएर टोलीको स्कोर ६१ मा पुर्याएका थिए ।