काठमाडौं । ब्राजिलका स्टार फुटबलर नेयमार साउदी अरेबियाको फुटबल क्लब अल हिलालमा आवद्ध भएका छन् । यस सम्बन्धमा अल-हिलाब क्लबले अगस्ट १५ मा आधिकारिक घोषणा गरेको हो।

समाचार एजेन्सी रोयटर्सका अनुसार नेयमारले अल–हिलालसँग दुई वर्षको सम्झौता गरेका छन् । यसअघि नेयमार विगत ६ वर्षदेखि पेरिस सेन्ट जर्मेन क्लबमा थिए र अहिले यो क्लब छोडेर नेयमार अल–हिलालमा आबद्ध भएका छन् ।

रोयटर्सले लेखेअनुसार यो सम्झौता कतिमा भयो भन्ने आधिकारिक जानकारी छैन, तर रिपोर्टहरू छन् कि सम्झौता ९० मिलियन यूरोमा भएको छ।

फ्रान्सेली अखबारले लेखेअनुसार दुई वर्षको लागि यो सम्झौताबाट नेयमारले कुल १६ करोड युरो पाउनेछन् । अल-हिलालले सम्झौताको भिडियो साझा गरेको छ ।

यस भिडियोमा नेयमार भन्छन्- म साउदी अरेबियामा छु, म हिलाली हुँ।

? The HISTORICAL is coming @neymarjr ??#Neymar_Hilali ? pic.twitter.com/twy8K72I7K

— نادي الهلال السعودي (@Alhilal_FC) August 15, 2023

“मैले युरोपमा धेरै हासिल गरें र त्यहाँ धेरै विशेष समय बिताएँ, तर म सधैं विश्वव्यापी खेलाडी बन्न चाहन्थे,” नेयमारले मंगलबारको सम्झौता पछि भने “नयाँ चुनौती र अवसरहरूमा आफूलाई परीक्षण गर्न चाहन्छु”

नेयमारले भने, ‘म खेलको नयाँ इतिहास लेख्न चाहन्छु । मलाई शूट गर्न र खेल्न मन पर्छ। म साउदी अरेबिया र अल-हिलालसँग यसरी जीवन बिताउँदा पनि त्यही गरिरहनेछु।

नेयमारसँग सम्झौता गरेको अल हिलालले यसअघि क्रिस्टियानो रोनाल्डोलाई यो प्रस्ताव राखेको थियो तर त्यसपछि रोनाल्डोले उक्त प्रस्ताव अस्वीकार गरेका थिए ।

पछि जनवरी २०२३ मा, क्रिस्टियानो रोनाल्डोले २०२५ सम्का लागिम अल-नासरसँग सम्झौतामा हस्ताक्षर गरे।

यसका लागि अल-नासर क्लबले रोनाल्डोलाई वार्षिक १७७ मिलियन पाउण्ड तिर्नेछ।